Во овој текст ќе се обидам на кратко да ви објаснам што е тоа Google Analytics или преведено статистиката на Google. Станува збор за бесплатна услуга која ни ја нуди Google а која ја мери посетеноста на вашата веб страница.
Една од најважните одлики на оваа услуга е тоа што директно е наменета за сопствениците на веб страници за разлика од услугите кои инаку се наменети како алатки со кои се служат исклучиво веб дизајнерите и веб технолозите.
Google Analytics може да ги следи посетителите од сите извори, вклучувајќи ги и сите пребарувачи, објавени огласи на страниците, платени кликови, маркетинг кампањи преку е-маил, линкови кои во себе содржат PDF и сл.
Со помош на оваа анализа корисникот може да ги надгледува online кампањите кои ќе одлучи да ги спроведе на својата веб страница. Крајната намена може да се однесува општо на приходот остварен преку веб.
Со користење на Google Analytics, кој ги собира одредените податоци од вашата веб страна, ви се овозможува да ги анализирате тие податоци и да ги претворите во знаење односно да знаете што треба да смените, да подобрите или пак каде да интервенирате.
No comments:
Post a Comment